17 красавiка 2024, Серада, 8:30
Падтрымайце
сайт
Сім сім,
Хартыя 97!
Рубрыкі

Расейскі Краснадар атакавалі ракетамі

9
Расейскі Краснадар атакавалі ракетамі

Сталі вядомы падрабязнасці магутных выбухаў у горадзе.

У Краснадары (РФ) увечары 2 снежня расейцы чулі выбухі і бачылі выбліскі ў небе. Улады заявілі, што супрацьпаветраная абарона збіла ракеты над Азоўскім морам – гэта нібыта былі ўкраінскія зенітныя С-200, пераробленыя для ўдараў па наземных цэлях.

Пра «плескачы» мясцовыя Telegram-супольнасці пачалі пісаць пасля 17:00 (18:00 паводле менскага часу) суботы. Жыхары Краснадарскага краю актыўна здымалі працу сваёй СПА, паведамляе obozrevatel.com.

Спачатку ў Адзінай дзяжурна-дыспетчарскай службе горада заявілі, што «паведамленняў пра выбухі і разбурэнні на тэрыторыі краявога цэнтра не паступала». Пазней мясцовыя ўлады пацвердзілі спробу абстрэлу.

Мэр Краснадара Яўген Навумаў супакоіў расейцаў, пахваліў акупацыйнае войска і запэўніў, што ракеты былі «ліквідаваныя над морам».

«Паважаныя краснадарцы! Мы атрымалі шэраг паведамленняў пра два выбліскі ў небе, магу запэўніць – Краснадар і Краснадарскі край пад надзейнай абаронай. Нашы сілы РФ спрацавалі аператыўна і зладжана», – расхваліў чыноўнік вайскоўцаў краіны-агрэсаркі. Маўляў, «спроба нападу па рэгіёне спыненая на вялікай адлегласці ад горада». Разбурэнняў няма, даў справаздачу ён.

Ён таксама звярнуў увагу, што мясцовыя публікавалі ў інтэрнэце працу СПА. Навумаў папрасіў так не рабіць. «Не трэба паказваць ворагу, адкуль ідзе праца», – заявіў мэр расейскага горада.

Напісаць каментар 9

Таксама сачыце за акаўнтамі Charter97.org у сацыяльных сетках