Чаму каўбасу трэба рэзаць пад вуглом?

Высвятляецца, гэта не проста традыцыя.

Каўбаса – адзін з самых папулярных і ўніверсальных прадуктаў, смачны ў любым выглядзе. У свеце існуе больш за 300 відаў каўбасных вырабаў, сярод якіх ёсць рыбныя, агароднінныя і нават садавінныя гатункі. Але наўрад ці вы калі-небудзь задумваліся, чаму каўбасу часта рэжуць пад вуглом. Што гэта – традыцыя, таямніца прадаўцоў каўбасы або змова хатніх гаспадыняў? Насамрэч усё нашмат прасцей, піша telegraf.news.

Ва ўсім вінаваты мяснік?

Паводле жартоўнай легенды, упершыню наразаць каўбасу пад вуглом пачаў нейкі венскі мяснік. Аднойчы раніцай, збіраючыся на працу, ён знайшоў у адным з чаравікаў мыш, і не змог надзець яго. Стоячы за прылаўкам у адным чаравіку, ён неўзаметку для сябе нарэзаў каўбасу не роўна, як звычайна, а пад вуглом. Высветлілася, што так яна выглядае нашмат прывабней і з тых часоў каўбасу ў крамах наразаюць толькі пад вуглом.

Выгода нарэзкі

Насамрэч, наразанне каўбасы пад вуглом – гэта не проста кулінарная традыцыя, а тэхналагічная неабходнасць. У працэсе тэрмічнай апрацоўкі мяса ягоная структура мяняецца: валокны становяцца больш шчыльнымі і жорсткімі. Калі рэзаць каўбасу ўздоўж валокнаў, то нож будзе сустракаць сур'ёзны супраціў. А вось калі парэзаць яе папярок, тое мяса будзе лягчэй падзяляцца на асобныя кавалачкі. Акрамя таго, пры такім спосабе нарэзкі больш шанцаў, што каўбаса не страціць формы і не разваліцца на часткі ў працэсе прыгатавання.

Паказ тавару «тварам»

У сваю чаргу інжынер-тэхнолаг у галіне мясных прадуктаў Дзяніс Кравапускаў растлумачыў, што ў нарэзанай пад вуглом 35–45 градусаў каўбасы вялікая плоскасць, за кошт якой зрэз выглядае прыгожа.

Таму ў крамах наразаюць каўбасу пад вуглом, каб вітрына з прадуктам выглядала эстэтычна і вабіла пагляд. Гэта бяскрыўдны маркетынгавы выкрут.

Акрамя таго, касы зрэз дае магчымасць патэнцыйнаму пакупніку ацаніць якасць прадукту і склад. Калі нарэзаць батон каўбасы проста, зрабіўшы роўны зрэз, то разгледзець, як выглядае каўбасны выраб, будзе цяжка. Касы ж зрэз дазваляе ўбачыць прадукт з розных бакоў і пакупніку прасцей зрабіць выбар.

Падман зроку

А яшчэ адмыслоўцы кажуць, што нарэзаная пад вуглом каўбаса не толькі хораша выглядае, ствараючы прыемны візуальны эфект: яна здаецца большай, чым калі б яе наразалі проста. Акрамя таго, аднаго-двух лустачак каўбасы, нарэзанай пад вуглом 35–45 градусаў, хопіць для бутэрброда – так ён глядзіцца больш эстэтычна, чым з кружочкамі каўбасы.

Так смачней?

Акрамя таго, эксперты кулінарных блогаў мяркуюць, што нарэзаныя пад кутом прадукты дзякуючы вялікай плошчы судотыку паляпшаюць смакавыя адчуванні ў роце.

Эканомія

Яшчэ адно тлумачэнне – калі нарэзаць каўбасу тонкімі лустачкамі пад вуглом, яе хопіць нашмат даўжэй, чым калі рэзаць яе проста кружочкамі.