Брытанская выведка назвала галоўны недахоп расейскага ЗРК «Тор»
2- 3.12.2023, 11:51
- 8,564
У чым ягоная слабасць?
Зенітна-ракетны комплекс малога радыуса дзеяння «Тор» выконвае немалаважную ролю для акупацыйных войскаў ва Украіне. Ён прызначаны для абароны захопнікаў на перадавой.
Пра гэта паведамляе Мінабароны Брытаніі ў Twitter (Х).
Брытанская выведка мяркуе, што адным з найважнейшых супрацьстаянняў у вайне як для Украіны, так і Расеі застаецца знішчэнне наземных сістэмаў супрацьпаветранай абароны.
Так, для расейцаў адной з асноўных сістэмаў застаецца ЗРК «Тор». Ён адрозніваецца ад ЗРК «Панцыр», якія пераважна абараняе камандныя пункты, ЗРК большай далёкасці і ваенна-паветраныя базы РФ.
Акупанты выкарыстоўваюць «Тор» для супрацьдзеяння ўкраінскім беспілотнікам. Выведка зазначае, што гэты ЗРК фактычна з'яўляецца перадавой лініяй сеткі СПА акупантаў.
Аднак ЗРК «Тор» мае шэраг недахопаў. Адзін з ключавых «мінусаў» – гэта цягавітасць экіпажу.
«Беручы да ўвагі, што на кожную сістэму прыпадае толькі тры чалавекі, падтрыманне высокага ўзроўню баявой гатоўнасці цягам доўгага часу, хутчэй за ўсё, з'яўляецца экстрэмальным выпрабаваннем на цягавітасць», – гаворыцца ў зводцы.
Страты расейскага СПА
Варта адзначыць, што ў апошні час украінскія вайскоўцы нацэліліся на расейскія сістэмы СПА. Галандскае выведнае агенцтва Oryx адзначае, што ўкраінскія вайскоўцы знішчалі С-400 не менш за 5 разоў, у тым ліку камандныя пункты, пускавыя ўстаноўкі і радары. Гэта дарагая страта для акупантаў.
Нагадаем, 14 верасня контрвыведка СБУ і Ваенна-марскія сілы Украіны правялі ўнікальную аперацыю каля акупаванай Еўпаторыі. Як паведамілі крыніцы РБК-Украіна, абаронцы знішчылі расейскі комплекс СПА С-400 «Трыюмф» коштам 1,2 млрд даляраў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
