17 красавiка 2024, Серада, 9:19
Падтрымайце
сайт
Сім сім,
Хартыя 97!
Рубрыкі

У Менскай вобласці праз моцны снегапад увялі план «Надвор'е»

6
У Менскай вобласці праз моцны снегапад увялі план «Надвор'е»

Што нельга рабіць кіроўцам?

Дзяржаўтаінспекцыя 3 снежня ўвяла план «Надвор'е» на тэрыторыі Менскай вобласці. Пра гэта паведамілі ва УУС і далі рэкамендацыі для кіроўцаў.

Паводле паведамлення, на дарогі вывелі снегаўборачную тэхніку, а праезную частку пачалі апрацоўваць пясчана-саляной сумессю.

У ДАІ «настойліва парэкамендавалі» кіроўцам «не апярэджваць, а тым больш не абганяць снегаўборачную тэхніку».

Акрамя таго, далі яшчэ некалькі парадаў:

выбіраць бяспечную хуткасць;

праяўляць асцярожнасць і павышаную ўвагу;

не дапускаць рэзкіх манеўраў і тармажэнняў;

быць уважлівымі пры руху на мастах, адрэзках дарог, якія праходзяць паблізу вадаёмаў і рэк, на закругленнях, спусках і ўздымах дарог;

прышпільвацца рамянямі бяспекі.

Таксама там традыцыйна парэкамендавалі адмовіцца ад паездак на асабістым транспарце і перамяшчацца на грамадскім.

Дзікія жывёлы

У той самы час у ДАІ Віцебскай вобласці папярэдзілі, што цяпер дзікіх жывёлінаў вабяць дарогі, апрацаваныя пясчана-салянымі сумесямі.

Таму там заклікалі быць асцярожнымі пры руху па-за населенымі пунктамі.

«Калі на шляху руху вашага аўтамабіля або на збочыне аўтадарогі з'явілася дзікая жывёла, неабходна неадкладна знізіць хуткасць да ўзроўню, калі можна імгненна спыніцца», – параілі там.

Напісаць каментар 6

Таксама сачыце за акаўнтамі Charter97.org у сацыяльных сетках