Расейскія вайскоўцы ў Еўпаторыі перайшлі на бок украінскіх партызанаў

І падалі УСУ важную інфармацыю пра ваенную авіябазу РФ.

Расейскія вайскоўцы, відавочна, разумеюць, што на акупаваных тэрыторыях ім не радыя, таму набліжаюць дэакупацыю. Да прыкладу, у Еўпаторыі акупанты пачалі ўступаць у партызанскі рух «Атэш» і перадаваць інфармацыю пра стратэгічныя аб'екты.

Пра гэта паведамляе прэс-служба партызанскага руху «Атэш».

Агенты партызанскага руху ўвесь час выведваюць інфармацыю на стратэгічна важных аб'ектах расейцаў. Больш за тое, у партызанаў атрымліваецца пабываць у воінскіх часцях акупантаў.

Расейскія вайскоўцы ўступаюць у «Атэш»

Як паведамілі ў руху, вайскоўцы ўзброеных сілаў Расеі ў Еўпаторыі далучаюцца да партызанаў. Адзін з такіх акупантаў праходзіць ваенную службу ў часова акупаваным Крыме і падаў інфармацыю пра аэрадром.

«Дзякуючы ягонаму спрыянню мы атрымалі звесткі пра сілы і сродкі абароны стратэгічнага аб'екта», – паведамілі ў «Атэш».

У сеціве таксама апублікавалі кадры, якія партызанам перадаў расеец. Усю інфармацыю ўжо перадалі Сілам абароны Украіны.

Дарэчы, у партызанскім руху заклікалі далучацца да «Атэша». Там падкрэслілі, што да іх могуць уступіць і вайскоўцы, якія не падтрымліваюць вайну, развязаную Расеяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com