Расейцы абстралялі шматпавярховік і бальніцы ў Херсоне
2- 3.12.2023, 21:30
- 3,476
Два чалавекі загінулі, сямёра – паранены.
Расейскія акупанты ў нядзелю, 3 снежня, атакавалі Цэнтральны раён Херсона з часова акупаванага левабярэжжа. У выніку абстрэлу, папярэдне, загінуў адзін чалавек. Пра гэта паведаміў начальнік Херсонскай ГВА Раман Мрачко.
Колькасць загінулых у выніку абстрэлу шматпавярховіка ў Херсоне павялічылася да двух чалавек. Сямёра жыхароў горада параненыя, усе яны знаходзяцца ў бальніцах, распавёў Мрачко.
У Херсонській міській територіальній громаді внаслідок обстрілів російських окупаційних військ загинули двоє і отримали поранення семеро людей.
— NV (@tweetsNV) December 3, 2023
Усі травмовані наразі ушпиталені. Їм надається медична допомога. pic.twitter.com/iDZufAdZEj
Кіраўнік Офіса прэзідэнта Украіны Андрэй Ярмак паведаміў, што колькасць пацярпелых у выніку расейскага абстрэлу Херсона ўзрасла да пяці чалавек.
Тры чалавекі атрымалі раненні. Са слоў Мрачко, у горадзе было трапленне ў шматпавярховы дом.
Кіраўнік Херсонскай АВА Аляксандр Пракудзін дадаў, што краіна-агрэсар таксама ўдарыла па дзвюх бальніцах Херсона.
Раней 3 лістапада ў АВА расказвалі аб абстрэле пасёлка Садовае Херсонскай вобласці, у выніку чаго загінуў 78-гадовы мужчына.
