Самалёты Брытаніі будуць выконваць палёты над Сектарам Газа, каб знайсці закладнікаў

У палоне ў ХАМАС ёсць грамадзяне Вялікай Брытаніі.

Няўзброеныя брытанскія самалёты будуць выконваць наглядальныя палёты над Сектарам Газа, каб знайсці закладнікаў, якіх утрымлівае ХАМАС.

Пра гэта заявіў міністр абароны Вялікай Брытаніі Грант Шапс, паведамляе ягоны Twitter.

«Брытанскія закладнікі ўсё яшчэ ўтрымліваюцца ХАМАСам. Іх свабода – наша першарадная задача», – заявіў ён.

Міністр падкрэсліў, што ХАМАС павінен неадкладна вызваліць іх і ўсіх закладнікаў.

«Для аказання дапамогі ў выратавальных работах няўзброеныя брытанскія самалёты пачнуць выконваць наглядальныя палёты над Газай, каб дапамагчы знайсці закладнікаў», – дадаў ён.