Беларусаў затрымліваюць на мяжы з ЕЗ

Як мінімум двух пасажыраў знялі з рэйсавага аўтобуса, які вяртаўся ў краіну.

Двух пасажыраў аўтобуса, які ехаў у Беларусь з ЕЗ, знялі з рэйса. Пра гэта 5 снежня паведаміў праваабарончы цэнтр «Вясна».

Праваабаронцы адзначаюць, што дагэтуль адзначаюцца выпадкі затрымання на мяжы беларусаў, якія вяртаюцца на радзіму. Як стала вядома «Вясне», днямі сілавікоў зацікавіла частка пасажыраў рэйсавага аўтобуса, які рухаўся з Еўразвязу ў Беларусь.

«Частка пасажыраў - папярэдне, украінцаў - дапыталі і ўпусцілі ў краіну, а як мінімум двух беларусаў пасля апытання знялі з аўтобуса. Іх далейшы лёс невядомы», - паведамілі праваабаронцы.