18 красавiка 2024, Чацвер, 14:36
Падтрымайце
сайт
Сім сім,
Хартыя 97!
Рубрыкі

Фінляндыя абвясціла пра «калядны падарунак» для УСУ

Фінляндыя абвясціла пра «калядны падарунак» для УСУ

Міністр абароны раскрыў планы вытворчасці артылерыйскіх боепрыпасаў для Украіны.

У Фінляндыі анансавалі пачатак вытворчасці артылерыйскіх боепрыпасаў для Украіны.

Адпаведную пастанову ў краіне спадзяюцца ўхваліць да Калядаў.

Пра планы Хельсінкі паведаміў міністр абароны Анці Хаканен выданню Iltalehdelle. Паводле ягоных словаў, у найбліжэйшыя некалькі тыдняў Фінляндыя прыме важную пастанову аб павелічэнні вытворчасці артылерыйскіх снарадаў.

«Мы закончылі перамовы наконт таго, што Фінляндыя будзе і надалей павялічваць вытворчасць цяжкіх боепрыпасаў для ўзбраення Украіны. Гэтая пастанова будзе прынятая ў найбліжэйшы час», – сказаў Хаканен.

Хаканен падкрэсліў, што пытанне, верагодна, будзе развязанае да Калядаў (24 снежня), каб украінцы, якія змагаюцца за сваё існаванне, атрымалі ад фінаў каштоўны і такі неабходны калядны падарунак.

«Планы гатовыя. Цяпер абвешчаны план значнага павелічэння вытворчасці боепрыпасаў. Мэта – падтрымаць Украіну яшчэ мацней. У той самы час мы яшчэ больш падвышаем гатоўнасць Фінляндыі і Паўночнага рэгіёну да вытворчасці боепрыпасаў», – сказаў міністр.

Паведамляецца, што кошт павелічэння вытворчасці боепрыпасаў дасягае дзясяткаў мільёнаў еўраў.

Таксама сачыце за акаўнтамі Charter97.org у сацыяльных сетках