25 лютага 2024, Нядзеля, 19:03
Падтрымайце
сайт
Сім сім,
Хартыя 97!
Рубрыкі

У Беларусі – рэкорд у продажах новых аўтамабіляў

7
У Беларусі – рэкорд у продажах новых аўтамабіляў

Што набывалі ў лістападзе.

За лістапад у Беларусі прададзена 3057 легкавых і лёгкіх камерцыйных аўтамабіляў, у тым ліку 2689 легкавых. Гэта рэкордны паказнік продажу за месяц сёлета, паведаміў Office Life кіраўнік Беларускай аўтамабільнай асацыяцыі (БАА) Сяргей Варывода.

Для параўнання: паводле звестак БАА, у кастрычніку пакупнікоў знайшлі 2360 машынаў. У верасні было прададзена 2058 легкавых аўтамабіляў, а ў жніўні гэты паказнік складаў 2019 новых аўто.

За студзень – лістапад 2023 года тэмп аднаўлення рынку легкавых аўтамабіляў дасягнуў 140 адсоткаў. Да лістапада мінулага года рынак вырас на 340%. Месяц таму гэты паказнік быў роўны 478,7 адсотка. На думку Сяргея Варыводы, гэта сведчыць пра паступовае вычарпанне эфекту нізкай базы і запаволенне тэмпу аднаўленчай дынамікі.

Пашырыўся і мадэльны шэраг аўтамабіляў, якія прадаюцца. У пачатку года аўтадылеры паведамлялі пра продажы 35 мадэляў новых машынаў, а ў лістападзе размова ішла ўжо пра 75 мадэляў.

Пры гэтым дзель легкавых аўтамабіляў кітайскіх марак у справаздачным месяцы перавысіла 84 адсоткі. А канцэрн «БЕЛДЖЫ» у сваю чаргу забяспечыў 70% усіх дылерскіх продажаў.

Напісаць каментар 7

Таксама сачыце за акаўнтамі Charter97.org у сацыяльных сетках