2 сакавiка 2024, Субота, 7:43
Падтрымайце
сайт
Сім сім,
Хартыя 97!
Рубрыкі

Guardian: Спецслужбы ЗША ўзяліся за расейскіх алігархаў у Еўропе

4
Guardian: Спецслужбы ЗША ўзяліся за расейскіх алігархаў у Еўропе

На Кіпр выпраўлены спецыяльны дэсант.

Агентам Федэральнага бюро расследаванняў (ФБР) ЗША было даручанае расследаванне парушэнняў санкцый расейскіх алігархаў на Кіпры. Каманда з 24 спецыялістаў пачне «дапамогу кіпрскай паліцыі» адразу ж пасля прыбыцця на востраў.

Афіцыйны прадстаўнік ураду Яніс Антоніу сказаў, што як толькі будуць развязаныя праблемы з допускам да таемнай інфармацыі, агенты адразу ж пачнуць справу. Пра гэта гаворыцца ў матэрыяле The Guardian.

«Ідэя заключаецца ў тым, каб яны як мага хутчэй пачалі дапамагаць кіпрскім інспектарам. У іх ёсць ноў-хаў», – заявіў дыпламат.

Як адзначаецца, кіпрскія ўлады, верагодна, звернуцца па асаблівую дапамогу ў справе Аляксея Мардашова, гендырэктара «Севергруп», старшыні Рады дырэктараў ПАТ «Сілавыя машыны», чальца Рады дырэктараў Nordgold. У дзень увядзення супраць яго санкцый алігарх спрабаваў перадаць дзель у акцыях турыстычнай кампаніі TU I коштам 1 млрд фунтаў.

Пагадненне было раскрытае ў выніку найбуйнейшай за ўсю гісторыю выцечкі фінансавых звестак на Кіпры з 3,6 млн файлаў з архіваў ключавых пастаўшчыкоў афшорных паслуг на востраве. Было вызначана, што бухгалтарская фірма PwC Cyprus, сярод кліентаў якой быў Мардашоў, дапамагала магнату ў перамяшчэнні актываў у дзень, калі ён быў уключаны ў спіс санкцый ЕЗ.

Напісаць каментар 4

Таксама сачыце за акаўнтамі Charter97.org у сацыяльных сетках