Кошт нафты Brent упаў ніжэй за $ 75 за бараль

Упершыню з 4 ліпеня.

Кошт лютаўскіх ф'ючэрсаў на нафту Brent на лонданскай біржы ICE Futures знізіўся на 3,51%, апусціўшыся да адзнакі $74,49 за бараль. У папярэдні раз кошт нафты Brent падаў ніжэй за $75 за бараль 4 ліпеня 2023 года.

Кошт ф'ючэрсаў на нафту WTI з пастаўкай у студзені на Нью-Ёркскай таварнай біржы ўпаў на 3,94%, да $69,47 за бараль.

Кошты нафту Brent прадаўжаюць зніжацца пятую гандлёвую сесію запар. Як паведамляе Bloomberg, рост аб'ёмаў экспарту амерыканскай нафты і нявызначанасць вакол здольнасці АПЕК+ скараціць здабычу ў адпаведнасці з планамі выклікалі асцярогі лішку прапановы на рынку.

Аналітык кампаніі CMC Markets Ціна Тэнг указала на негатыўны ўплыў на рынак нафты, звязаны з асцярогамі, што скарачэнне паставак нафты з боку краінаў АПЕК+ не прывядзе да значнага эфекту на рынку. На мінулым тыдні Арганізацыя краінаў-экспарцёрак нафты і яе хаўруснікі дамовіліся аб добраахвотным скарачэнні здабычы на ўзроўні 2,2 млн бараляў за дзень у першым квартале 2024 года. Аднак рынак, здаецца, сумняваецца ў тым, што гэтыя захады істотна паўплываюць на агульную сітуацыю з прапановай і коштамі нафты.