1 сакавiка 2024, Пятніца, 10:37
Падтрымайце
сайт
Сім сім,
Хартыя 97!
Рубрыкі

У РФ прапанавалі ўвесці «падатак на вайну»

10
У РФ прапанавалі ўвесці «падатак на вайну»
СЯРГЕЙ МІРОНАЎ

Палітык Сяргей Міронаў накіраваў ліст прэм'еру РФ Міхаілу Мішусціну.

Старшыня партыі «Справядлівая Расея» Сяргей Міронаў прапанаваў абкладаць падаткам адсоткі на ўкладах расейцаў, устанавіўшы базу, з якой разлічваюць падатак, на ўзроўні 5 млн рублёў. Адпаведны ліст ён накіраваў прэм'еру РФ Міхаілу Мішусціну.

У 2021 і 2022 гадах у дачыненні да фізічных асобаў у Расеі дзейнічала падатковая льгота: іх вызвалялі ад падатку на адсоткі з укладаў у расейскіх банках, атрыманыя ў гэты перыяд. Да гэтага падатак даводзілася плаціць грамадзянам, чый прыбытак на ўкладах за год перавышаў пэўны ліміт. Яго разлічвалі наступным чынам: 1 млн рублёў памнажалі на максімальнае значэнне ключавой стаўкі ЦБ за год, у якім чалавек атрымаў прыбытак. З адсоткавага прыбытку, які перавышае гэтую суму, трэба было заплаціць ПДФА. Міронаў прапануе з 2023 года аднавіць збор падатку, але разлічваць яго па-іншаму: браць у якасці асновы не 1 млн рублёў, а 5 млн рублёў.

Вяртанне падатку з ранейшай разліковай базай прывядзе да панікі і ўскладніць працу банкаў, непакоіцца парламентарый. «Беручы да ўвагі, што ў гэтай сітуацыі прыбыткі ад банкаўскіх укладаў могуць не пакрыць узровень інфляцыі, людзі могуць пачаць масава здымаць сродкі са сваіх рахункаў. У сутнасці, гэта будзе азначаць канфіскацыю значнай грашовай масы з эканомікі Расейскай Федэрацыі», – дадаў палітык.

Пераглядаючы падатковую палітыку, расейскія ўлады спрабуюць папоўніць федэральны бюджэт, траціна якога сыходзіць на вайну. Да сярэдзіны года казна вычарпала ўсе закладзеныя на войска сродкі, і ў жніўні прэзідэнт Уладзімір Пуцін абклаў бізнэс «падаткам на звышпрыбытак». Цяпер расейскія кампаніі, якія зарабілі ў 2021–2022 гг. больш за 1 млрд рублёў, будуць абавязаныя заплаціць 10% ад сумы, на якую іх прыбытак перавысіў лічбы 2018–2019 гадоў. Пры добраахвотнай выплаце ў тэрмін да 30 лістапада гэтага года стаўка падатку зніжаецца да 5%. Пры гэтым нафтагазавыя карпарацыі, нафтаперапрацоўчы бізнэс, аграрыі, вугальнікі, вытворцы ЗПГ, а таксама малы бізнэс гэты падатак плаціць не павінны.

Віцэ-прэм'ер РФ Андрэй Белавусаў заяўляў, што бізнэс сам папрасіў увесці «падатак на вайну», але кіраўнік Расейскага звязу прамыслоўцаў і прадпрымальнікаў (РЗПП) Аляксандр Шохін аспрэчыў гэта.

Напісаць каментар 10

Таксама сачыце за акаўнтамі Charter97.org у сацыяльных сетках