Шматдзетны мінчанін прыдумаў, як хутка зарабіць на продажы будаўнічай тэхнікі

Што адбылося ў выніку?

У Менску вынеслі прысуд 36-гадоваму шматдзетнаму бацьку, якога абвінавачвалі ў махлярстве. Яму далі 1,5 гады “хатняй хіміі”, распавялі «Минск-Новостям» у пракуратуры.

Мянчук прыдумаў, як можна раптоўна палепшыць матэрыяльнае становішча, і, выпіўшы спіртнога, адправіўся ў пункты пракату электраабсталявання. У адным з іх ён арандаваў пілу, у іншым - перфаратар, кутнюю шліфавальную машынку і тэхнічны фен. Частку тэхнікі ён прадаў, а іншую - здаў у ламбард. Агульная сума нанесенай арганізацыям шкоды склала больш за 600 рублёў.

Гаражанін - працоўны ў прыватнай кампаніі, мае чацвярых непаўналетніх дзяцей і раней ужо прыцягваўся да крымінальнай адказнасці. У дачыненні да яго распачалі крымінальную справу аб махлярстве.

Суд прызнаў мужчыну вінаватым і з улікам неадбытай часткі папярэдняга пакарання прыгаварыў да 1,5 года "хатняй хіміі". Таксама яго пазбавілі права займацца дзейнасцю, звязанай з кіраваннем транспартнымі сродкамі, на тэрмін 1 год 7 месяцаў 19 дзён і прызначылі штраф 5 400 рублёў.