Байцы УСУ эфектна знішчылі расейскі «Санцапёк»

Выбуховае відэа.

Украінскія абаронцы эфектна знішчылі расейскую цяжкую агнямётную сістэму «Санцапёк» на фронце. Ваяры паказалі відэа баявой працы.

Пра гэта паведамляе РБК-Украіна са спасылкай на Сухапутныя войскі УСУ ў Facebook.

На апублікаваных кадрах паказаная праца байцоў 72-й асобнай механізаванай брыгады імя Чорных Запарожцаў, а таксама ваяроў з 74-га асобнага выведнага батальёна.

Абаронцы ў цесным супрацоўніцтве выявілі тэхніку акупантаў, якую расейцы спрабавалі схаваць паблізу ад пасадкі. Пасля гэтага ўкраінскія вайскоўцы нанеслі ўдар.

Профільныя ваенныя выданні адзначаюць, што УСУ знішчылі ТГС-1А «Санцапёк» з дапамогай FPV-дронаў. Тэхніка ворага ўзарвалася, а потым згарэла дашчэнту.