Лукашысты затрымалі дырэктара загараднага клуба «Фестывальны»

Падчас пратэстаў ён зняў з будынка чырвона-зялёны сцяг.

Сілавікі затрымалі дырэктара загараднага клуба «Фестывальны». Прычынай сталі зняты дзяржсцяг і ўдзел у пратэстах 2020 года, паведаміў тэлеграм-канал ГУБАЗіК.

З мужчынам знялі «пакаяннае» відэа, дзе ён расказаў, што з'яўляецца кіраўніком ТАА «Парк актыўнага адпачынку “Фестывальны”» і браў удзел у маршах, а ў 2020 годзе ў клубе зняў дзяржсцяг.

Сілавікі ўважаюць зняцце сімволікі за «ідэалагічную дыверсію».

Сілавікі прыйшлі да дырэктара аўтацэнтра Mercedes-Benz

Загарадны клуб «Фестывальны» ў Валожынскім раёне з'яўляецца адной з найбуйнейшых пляцовак на рынку івэнт-паслуг Беларусі, гаворыцца на сайце кампаніі. Там спецыялізуюцца на правядзенні карпаратыўных мерапрыемстваў (забаўляльных і навучальных) і прыватных святаў. Клуб працуе ўжо 11 гадоў.