Палітолаг: Пуцін пачаў «зліваць» Кітай

Расея вядзе небяспечную для яе гульню супраць Пекіна.

У Кітаі сістэматычна адбываюцца знікненні чыноўнікаў пры таямнічых абставінах. Так, былы кіраўнік МЗС Кітая Цінь Ган пасля сыходу з пасады ў ліпені 2023 года спачатку знік, а 6 снежня стала вядома, што ён памёр у вайсковым шпіталі Пекіна.

Паводле папярэдняй інфармацыі, Цінь Ган мог учыніць самагубства або загінуць у выніку катаванняў.

Палітолаг Мікалай Давыдзюк распавёў «24 Каналу», як Расея можа мець дачыненне і чаму палітыка Сі Цзіньпіна звязаная з мінулымі крыўдамі.

Расея заўсёды гуляла супраць Кітая

Са слоў Давідзюка, супрацоўніцтва ўсіх краін з Расеяй заўсёды заканчваецца «расейскай рулеткай». Пачынаецца ўсё ярка, шмат абяцанняў і добрых слоў, а заканчваецца смуткам і «выпадковым» знікненнем людзей.

«Гэтыя гульні вельмі важныя Кітаю для разумення, што Расея не гуляе за іх. Расея скуголіць і звяртаецца, калі ім што-небудзь трэба, але на замежных рынках, напрыклад, на Захадзе, Расея гуляе супраць Кітая, зліваючы яго інтарэсы і сакрэты, імкнучыся не дапусціць узмацнення Кітая», - падкрэсліў палітолаг.

Расея пры магчымасці заўсёды сутыкае «ілбамі» Захад і Паднябесную. Масква стварае хаос, у яе няма сяброў і яна зайздросціць Пекіну. Кітай - гэта сацыялістычны і камуністычны праект, у якога атрымалася, а ў Расеі - не, акупанты не змаглі пабудаваць вялікую і моцную дзяржаву.

Расейцы стварылі краіну лузэраў і мінулага, на астатках якога спрабуюць гуляць з кітайцамі. У той жа час, Кітай займае другое месца ў свеце па эканоміцы, хаця пачынаў таксама з нізоў.

Паднябесная не гуляла ў гульні, выходзячы на вонкавыя рынкі і ўмоўнае поле бою. Цяпер Пекін зразумеў, што можна вербаваць кітайскіх міністраў і шантажаваць службовых асоб палюбоўніцай, якая яшчэ засталася з часоў навучання ў інстытуце.

«Яны з такім не сутыкаліся. Гэта такая прыцірка на замжнапалітычнай арэне. Ну, Кітай вучыцца і хоча быць на першым месцы - трэба прывыкаць да такіх рэчаў, іх будзе шмат», - адзначыў Давідзюк.

Палітыка Сі - складаныя мінулыя перыпетыі

На думку Давідзюка, Сі Цзіньпін здзіўлены, што на высокім палітычным узроўні чалавек з першага поціску рукі можа працаваць на ідэалагічнага ворага.

«Як бачым, Сі прымае пастанову і карае не проста звальненнямі. Стварае прэцэдэнты, каб было разуменне іншых, якім чынам працуе сістэма і машына», - выказаў меркаванне Мікалай Давідзюк.

Узгакдаем выпадак, калі ў 1962 годзе бацька Сі Цзіньпіна, як у свой час і Дэн Сяапін, быў рэпрэсаваны. Былога блізкага паплечніка Мао Цзэдуна абвінавацілі ў антыпартыйнай змове і выслалі з Пекіна ў правінцыю Хэнань (кітайскую Сібір), а ў гады «культурнай рэвалюцыі» трымалі пад арыштам.

Калі Сі Цзіньпін рос у Камуністычнай партыі Кітая, ён памятаў крыўду і ўжо караў прыхільнікаў з лініі Дэн Сяапіна. Узначаліўшы Кітай, Сі засяродзіў у сваіх руках партыйныя ўлады і ўсталяваў кантроль над войскам. З пачатку свайго кіравання Сі Цзіньпін разгарнуў маштабную антыкарупцыйную кампанію, якая прывяла да арышту многіх чыноўнікаў.

«Сі потым стварыў сваё НАБУ з хлопцаў, чые сем'і таксама пацярпелі ад партыйных перыпетый. Яны займаліся допытамі, не давалі спаць. Сі дастаткова аўтакратычны. У яго ёсць сваё разуменне «вялікага Кітая», таму ён ідзе да гэтага дастаткова выразна, гледзячы на людзей як на рэсурс і матэрыялы», - падсумаваў Мікалай Давідзюк.