Знаўцы «Што? Дзе? Калі?» не адказалі на пытанне выхавацелькі дзіцячага садка з Полацка

Пытанне было пра вёску.

У другой гульні зімовай серыі «Што? Дзе? Калі?», паказанай на расейскім тэлеканале, каманда Максіма Паташова падолела тэлегледачоў з перавагай - 6:3.

Аднак сярод трох тэлегледачоў, якія ў гэты вечар змаглі перамагчы знаўцаў, была і выхавальніца дзіцячага сада з Полацка Марына Варабей. Яе пытанне прагучала ў трэцім раундзе:

«Вёска, у якой усё сваё свядомае жыццё пражыў Хуан Юн-Фу, паступова прыйшла ў заняпад. Усе раз'ехаліся, і ў 2009 годзе ён застаўся адзін. Пастанавілі знесці вёсачку, каб на яе месцы пабудаваць прыгожы жылы комплекс. Аднак, 85-гадовы Хуан наадрэз адмовіўся пераязджаць і ад роспачы і адзіноты ўзгадаў тое, чым любіў займацца ў дзяцінстве. Вёска змянілася, і праз год стала славутасцю Тайваня. У нас за кулісамі знаходзяцца прадметы, без якіх Хуан Юн-Фу не змог бы абараніць сваю вёску. Што ў нас за кулісамі?

Капітан абраў версію Анастасіі Шутавай: «Спусцелая вёска не рабіла ніякага ўражання. Ён як бы яе засяліў сілуэтамі, лялькамі людзей. Дапусцім, у дзяцінстве ён любіў выразаць нейкія фігуры з паперы. І там папера і нажніцы».

Выявілася, што за кулісамі былі слоічкі з фарбамі. Вядоўца агучыў правільны адказ: «Хуан Юн-Фу ўзяў пэндзлі і фарбы і пачаў размалёўваць дамы. І сёння гэтую вёску рэгулярна наведваюць турысты».

За правільны адказ тэлеглядачка атрымала грашовы прыз.