«Вось як змагацца з такімі кіроўцамі»
33- 8.12.2023, 17:35
- 17,614
![«Вось як змагацца з такімі кіроўцамі»](https://i.c97.org/ai/574704/aux-head-1702046055-20231208_auto_stajanka_360.jpeg)
У Менску аўтаўладальнік не змог забрацца ў сваю машыну.
На днях на вельмі прасторнай паркоўцы гандлёвага цэнтра Green City на вуліцы Прытыцкага ў Менску адбылася непрыемная сітуацыя. Чытач «Анлайнера» прыехаў разам з сям'ёй, прыпаркаваўся на вольным месцы. А калі вярнуўся, не змог патрапіць на месца кіроўцы: яно было заблакаванае іншым аўтамабілем, які стаў не на разметцы.
![](https://i.c97.org/ai/574704/aux-1702046063-f7daa8df1ec21a98705e8b380789097f.jpeg)
– Несумленная паркоўка! Вось як змагацца з такімі кіроўцамі: не магу ні сам сесці ў машыну, ні сына пасадзіць у аўтакрэсла. Звярнуўся ў ДАІ, – напісаў чытач. – Пачакаўшы 50 хвілінаў, жонка надумала ехаць з сынам дадому на аўтобусе, бо дзіцяці трэба было збірацца на трэніроўку. Ды я і сам спяшаўся на працу.
Кіроўцу BMW ён чакаў блізу гадзіны.
– Прыйшла жанчына, папрасіла прабачэння і адагнала машыну. Падчас майго з ёй дыялогу, яна сказала, што злева ад яе аўто стаяў іншы аўтамабіль, таму яна так прыпаркавалася, – расказаў суразмоўца.
Здавалася б, праблема развязаная. Але асадак застаўся.
![](https://i.c97.org/ai/574704/aux-1702046063-0f287b376bfe5bedcbdedbeebb364ab9.jpeg)
– Нават на фота відаць, што побач з BMW стаяла машына ў снезе. А снег у той дзень не ішоў. І яшчэ адзін аўтамабіль паміж BMW і гэтай машынай не змясціўся б, – дзеліцца сваімі назіраннямі аўтар фота.