5 сакавiка 2024, aўторак, 16:40
Падтрымайце
сайт
Сім сім,
Хартыя 97!
Рубрыкі

У Вашынгтоне здзекаваліся з Пуціна

5
У Вашынгтоне здзекаваліся з Пуціна

Белы дом саркастычна адрэагаваў на старт «выбарчай кампаніі» ў РФ.

Каардынатар Рады нацбяспекі Белага дому Джон Кірбі саркастычна адрэагаваў на абвяшчэнне кіраўніка Крамля Уладзіміра Пуціна аб сваёй кандыдатуры на выбарах прэзідэнта РФ, якія пройдуць у сакавіку 2024 года.

Пра гэта ішла размова на брыфінгу Белага дому.

Журналісты спыталі Кірбі, як ён можа пракаментаваць «перавыбранне» Пуціна, на што ён жартаўліва параўнаў будучыя выбары ў РФ з коннымі скачкамі.

«Што ж, гэта будзе вялікая гонка, ці не так? Гэта ўсё, што я магу сказаць з гэтай нагоды», – адказаў прадстаўнік адміністрацыі прэзідэнта ЗША.

8 снежня Пуцін абвясціў пра свой удзел у выбарах прэзідэнта Расеі ў 2024 годзе.

Гэта ўжо будзе пятым тэрмінам, на які будзе балатавацца крамлёўскі дыктатар.

Паведамляецца, што стаць кандыдатам на пасаду прэзідэнта Пуціна «папрасіў» расейскі баявік Арцём Жога.

Акрамя таго, Цэнтральная выбарчая камісія РФ зацвердзіла даты правядзення выбараў, якія ўпершыню прадоўжыцца цэлыя тры дні – з 15 да 17 сакавіка 2024 года.

Пуцін займае пасаду прэзідэнта даўжэй, чым любы іншы расейскі кіраўнік з часоў дыктатара Іосіфа Сталіна, перасягнуўшы нават 18-гадовы тэрмін Леаніда Брэжнева: з 2000 да 2008, а потым з 2012 года і да гэтага часу.

Напісаць каментар 5

Таксама сачыце за акаўнтамі Charter97.org у сацыяльных сетках