У Беларусь ідуць атмасферныя франты, якія перамяшчаюцца з Польшчы і Украіны

Прагноз надвор'я на 10-12 снежня.

10 снежня ўмовы надворʼя Беларусі будзе вызначаць вільготная няўстойлівая паветраная маса. Воблачна. Месцамі па краіне чакаецца невялікі снег і слабы туман. На асобных участках дарог галалёд. Вецер паўднёва-ўсходні слабы да ўмеранага. Тэмпература паветра мінімальная ўначы -4 -10°С, максімальная ўдзень 0, -6°С. Атмасферны ціск будзе слаба падаць, піша pogoda.by.

11 снежня ўмовы надворʼя будуць вызначаць атмасферныя франты, якія перамяшчаюцца з тэрыторыі Польшчы і Украіны. Воблачна. Часам пройдуць ападкі ў выглядзе мокрага снегу і дажджу. У асобных раёнах краіны чакаюцца туман, слабы галалёд. Вецер паўднёвай чвэрці ўмераны, удзень парывісты. Тэмпература паветра мінімальная ўначы 0, -7, максімальная ўдзень -3, +3.

12 снежня тэрыторыя рэспублікі будзе знаходзіцца ў полі паніжанага атмасфернага ціску пад уплывам маларухомых франтальных раздзелаў. Воблачна.

Часам пройдуць ападкі ў выглядзе мокрага снегу і дажджу. У асобных раёнах краіны чакаюцца туман, слабы галалёд на дарогах. Вецер паўднёвай чвэрці ўмераны, уначы парывісты. Тэмпература паветра мінімальная ўначы -4, +1, удзень -2, +3.