На Мюнхенскую канферэнцыю па бяспецы замест уладаў РФ запрасілі Хадаркоўскага і Каспарава
10- 1.02.2023, 17:11
- 6,944
![На Мюнхенскую канферэнцыю па бяспецы замест уладаў РФ запрасілі Хадаркоўскага і Каспарава](https://i.c97.org/ai/534597/aux-head-1675260635-20230201_kasparov_hodorkovskij_360.jpeg)
Летась Крэмль сам адмовіўся ўдзельнічаць у мерапрыемстве.
Арганізатары Мюнхенскай міжнароднай канферэнцыі ў бяспецы сёлета адмовіліся запрашаць прадстаўнікоў урада Расеі.
Аб гэтым піша Deutsche Welle са спасылкай на інтэрв'ю старшыні канферэнцыі Крыстафа Хойсгена нямецкай радыёстанцыі MDR Aktuell.
«Выказванні, якія мы штодня чуем з Крамля, не дазваляюць рэзюмаваць, што Расея хаця б на ёту адступіць ад таго, што Пуцін абвясціў мэтай вайны, а менавіта, разбурэнне Украіны», - растлумачыў Хойсген.
З ягоных слоў, замест чыноўнікаў ад Расеі запрошаныя прадстаўнікі грамадзянскай супольнасці і апазіцыі, прынамсі, Гары Каспараў і Міхаіл Хадаркоўскі.
У 2022 годзе Расея ўпершыню адмовілася ўдзельнічаць у Мюнхенскай канферэнцыі.