Урсула фон дэр Ляен і Жазэп Барэль прыехалі ў Кіеў
2- 2.02.2023, 11:08
- 6,180
Высокапастаўленыя прадстаўнікі ЕЗ заявілі аб «наймацнейшым сігнале» Украіне і РФ.
Прэзідэнтка Еўракамісіі Урсула фон дэр Ляен і кіраўнік дыпламатыі ЕЗ Жазэп Барэль прыбылі ў Кіеў у чацвер, 2 лютага.
Аб гэтым яны паведамілі ў Twitter.
Гэта ўжо чацвёрты візіт Урсулы фон дэр Ляйен у Кіеў з пачатку развязанай Расеяй поўнамаштабнай вайны. Разам з ёю прыехала каманда еўракамісараў.
«На гэты раз (прыехала - рэд.) з маёй камандай камісараў. Мы тут разам, каб паказаць, што ЕЗ стаіць побач з Украінай як ніколі. І для далейшага паглыблення нашай падтрымкі і супрацоўніцтва», - напісала Урсула фон дэр Ляен.
Good to be back in Kyiv, my 4th time since Russia‘s invasion.
— Ursula von der Leyen (@vonderleyen) February 2, 2023
This time, with my team of Commissioners.
We are here together to show that the EU stands by Ukraine as firmly as ever.
And to deepen further our support and cooperation. pic.twitter.com/zf8fvoNKnG
Тым часам аб сваім візіце ў Кіеў паведаміў і кіраўнік дыпламатыі ЕЗ Жазэп Барэль.
«Прыбыў у Кіеў, каб перадаць наймацнейшы сігнал падтрымкі ЕЗ усім украінцам, якія абараняюць сваю краіну. Дапамога Еўразвязу дасягнула 50 мільярдаў еўраў з пачатку вайны Расеі. Еўропа была аб'яднаная з Украінай з першага дня. І будзе з вамі, каб перамагаць і аднаўляцца», - паведаміў ён у сеціве.
Arrived in Kyiv to convey EU’s strongest message of support to all Ukrainians defending their country.
— Josep Borrell Fontelles (@JosepBorrellF) February 2, 2023
EU assistance has reached €50 billion since the start of Russia’s war. Europe stood united with Ukraine from day one. And will still stand with you to win and rebuild. pic.twitter.com/wfhIo9f9HT
Між тым, як піша Reuters, у Кіеў прыбылі больш за дзясятак чыноўнікаў Еўрапейскага Звязу з абяцаннямі дадатковай вайсковай, фінансавай і палітычнай дапамогі.
Выданне піша, што гэтая сімвалічная паездка мае на мэце падкрэсліць падтрымку Украіны напярэдадні першай гадавіны поўнамаштабнага ўварвання Расеі.
«Гэта вельмі моцны сігнал, што мы знаходзімся ў Кіеве падчас вайны. Гэта сігнал для ўкраінскага народа. Гэта сігнал для Расеі. Гэта сігнал для міру», - сказаў высокапастаўлены чыноўнік ЕЗ выданню.
Як чакаецца, высокапастаўленыя чыноўнікі Еўразвязу сёння сустрэнуцца з чальцамі ўкраінскага ўрада ў Кіеве, а ўжо заўтра запланаваны анансаваны саміт Украіна - ЕЗ.
