Украінская выведка раскрыла планы Пуціна на канец лютага
5- 2.02.2023, 12:03
- 18,526
Войскам РФ аддадзены загад.
Расейскі прэзідэнт Уладзімір Пуцін аддаў загад войскам захапіць усю тэрыторыю Данецкай і Луганскай абласцей Украіны да канца лютага, да пачатку сакавіка.
Пра гэта заявіў прадстаўнік ГУР МА Украіны Андрэй Чарняк у каментары выданню Kyiv Post.
Паводле ягоных слоў, ёсць прыкметы таго, што Расея рыхтуецца да новай спробы масаванага наступу і захопу ўсходу Украіны.
«Мы назіраем, што расейска-акупацыйныя войскі перадыслакуюць на ўсход дадатковыя штурмавыя групы, падраздзяленні, узбраенне і вайсковую тэхніку. Са звестак вайсковай выведкі Украіны, Пуцін аддаў загад да сакавіка захапіць тэрыторыі Данецкай і Луганскай абласцей», - адзначыў выведчык.