Беларусы змогуць даведацца пра «пенсійную пастку» анлайн

ФСАН выпусціў мабільную аплікацыю.

З 1 лютага беларусы змогуць даведацца аб сваім страхавым стажы ў рэжыме анлайн. Тыя, хто яго не выпрацоўваюць, пападаюць у пенсійную пастку і могуць прэтэндаваць толькі на сацыяльную пенсію, якая складае ўсяго 170 рублёў.

Мабільная аплікацыя называецца «ФСАН». Цяпер яна даступная для сцягвання ў Google Play.

Праз аплікацыю беларусы змогуць даведацца, ці наймальнік выплачвае страхавыя ўнёскі на пенсійнае і сацыяльнае страхаванне, а таксама аб іх суме.

Таксама ў мабільнай аплікацыі пазначана, які страхавы стаж у работніка - гэта перыяд выплаты ўнёскаў у ФСАН. Беларусы і раней маглі праверыць, колькі страхавых унёскаў за яго заплацілі наймальнікі (і ці ўнеслі іх у прынцыпе), запытаўшы выпіску з індывідуальнага асабовага рахунку. Зрабіць гэта можна, напрыклад, праз запыт на Адзіным партале электронных паслуг.