29 сакавiка 2024, Пятніца, 2:24
Падтрымайце
сайт
Сім сім,
Хартыя 97!
Рубрыкі

155-я брыгада РФ адмовілася штурмаваць Вуглядар: у бой кідаюць «дзецішча» Шайгу

10
155-я брыгада РФ адмовілася штурмаваць Вуглядар: у бой кідаюць «дзецішча» Шайгу

УСУ адкінулі супраціўніка, прычыніўшы яму істотныя страты.

Баі за Вуглядар могуць быць зацяжнымі і крывавымі: пасля папярэдніх няўдалых спроб штурму РФ мяняе стратэгію. Марскую пяхоту, імаверна, узмоцняць падраздзяленнямі наймітаў з ПВК «Патрыёт» – «дзецішчам» Сяргея Шайгу, які імкнецца зладзіць тут «свой Салядар». Гэта таксама сведчыць аб стратэгічным значэнні горада для расейскіх камандуючых.

Вуглядар выстаяў - папярэднія напады расейцаў (у асноўным, сіламі 40-й і 155-й брыгад марской пяхоты УС РФ пры падтрымцы 76-й дэсантна-штурмавой дывізіі) праваліліся. Праціўнік панёс істотныя страты як жывой сілы, так і тэхнікі. Паводле інфармацыі аператыўнага абнаўлення праекта DeepState на пачатак дня 2 лютага, змен лініі фронту няма. Вораг зноў абстраляў Вадзяное і працягвае ціск на Вуглядар. Сітуацыя ў Аўдзееўцы, Мар'інцы і Вуглядары складаная, але кантраляваная.

Зрэшты, расейскае камандаванне, відавочна, не збіраецца адмаўляцца ад ідэі далейшага наступу на Вуглядар і сцягвае новыя рэзервы, мяняючы тактыку. Аб сітуацыі на месцы на 2 лютага распавёў OSINT-даследчык і вайсковец УСУ, які працуе ў Твітэры пад псеўданімам Tatarigami_UA.

«Некалькі дзён таму я пісаў, што вораг прыняў некалькі цікавых пастаноў. Пасля першых двух дзён наступу на Вуглядар камандаванню РФ стала зразумела, што іх план хуткага і раптоўнага штурму праваліўся. Спачатку я думаў, што яны змірацца з няўдачай і засяродзяцца на ўтрыманні сваіх дасягненняў замест таго, каб развіваць атаку. Асабліва, калі частка падраздзяленняў 155-й брыгады, а таксама рэзервы адмовіліся штурмаваць раён «дачы». Аднак яны шалёна пачалі перакідваць падраздзяленні з іншых раёнаў», - каментуе вайсковец.

Акупанты павялічваюць на гэтым кірунку прысутнасць войскаў і тэхнікі.

На ягоную думку, варожыя генералы дзейнічаюць як азартны гулец, які спрабуе вярнуць страчаныя стаўкі, пазычаючы яшчэ больш грошай у сяброў і сям'і: праз гэта бітва за Вуглядар, хутчэй за ўсё, будзе значна даўжэйшай і больш крывавай, чым меркавалася раней.

Дэталі раскладу сіл таксама прааналізаваў вайскова-палітычны аглядальнік, каардынатар групы «Інфармацыйнае супраціўленне» Аляксандр Каваленка.

«У параўнанні з леташнім штурмам Вуглядара расейскія акупанты назапасілі на гэты раз большы рэсурс, які складаецца з 6 БТГр. Але, як вядома, «ціхаакіянскі селядзец» зноў пратух. Аднак камандаванне акупацыйнага войска мае намер завесці баявыя рэзервы складам да трох батальёнаў і, звярніце ўвагу, падраздзяленне ПВК «Патрыёт» - прыватнай вайсковай кампаніі, створанай пад патранатам асабіста Сяргея Шайгу», - адзначае аналітык.

З ягоных слоў, ПВК «Патрыёт» стваралася ў РФ як спроба скласці канкурэнцыю «вагнераўцам» Прыгожына. У бой іх уводзяць пры падтрымцы 37-й і 36-й МСБр УС РФ.

«Відавочна, Вуглядар асабіста для Сяргея Шайгу мае прынцыповае стратэгічнае значэнне. Прыблізна такое ж, як для Прыгожына - Салядар, які ў выніку стаў канцом самога ж Прыгожына. Вось толькі ў адрозненне ад «кухара», тувінец мае магчымасць манеўру», - падкрэслівае Каваленка.

Напісаць каментар 10

Таксама сачыце за акаўнтамі Charter97.org у сацыяльных сетках