Набой УСУ ліквідаваў «крутога» бандыта-«вагнераўца»

У Расеі ён быў верхаводам АЗГ «Піўзаводскія».

Ва Украіне ліквідаваны адзін з лідараў АЗГ «Піўзаводскія», завербаваны ў склад «вагнераўцаў» Раман Кібіраў, піша OSINT-экспэрт Іраклі Камахідзэ.

Кібіраў ураджэнец Барзінскага раёна Забайкалля. Кантракт з ПВК уклаў, адбываючы 16-гадовы тэрмін строгага рэжыму. Сядзець бандыту заставалася пяць месяцаў, але ён пастанавіў выйсці датэрмінова.

У свой час Кібіраў быў адным з верхаводаў борзінскай злачыннай групоўкі «Піўзаводскія», адзначае Камахідзэ. У калоніі нават «увераваў», «раскаяўся» і нават стаў памочнікам турэмнага папа.

АЗГ «Піўзаводскія» была заснавана Кібіравым і яго сябрамі-гопнікамі ў 2003 годзе. Бандыты займаліся рабаваннем, разбоямі і рэкетам бізнэсу.

Падстрахоўвалі бандытаў мясцовыя міліцыянты. Блізу 30-ці членаў банды прыгавораныя да працяглых тэрмінаў зняволення, ад 8 гадоў і вышэй.