«Пуцінбург»: Хронікі мафіёзнай дзяржавы

Кніга, якая тлумачыць тое, што большасць людзей спрабавала ігнараваць.

Сёння, калі мафіёзная дзяржава РФ вядзе падступную вайну супраць Украіны, асаблівую цікавасць уяўляе кніга Дзмітрыя Запольскага «Пуцінбург».

Яна выпушчана ў свет у Вялікай Брытаніі выдавецтвам PVL Consulting Ltd. і даступная ў сетцы Amazon.

Кніга тлумачыць тое, што большасць людзей спрабавала ігнараваць: пуцінская Расея – не дзяржава, а злачынная групоўка. З імкненнем да захопу тэрыторый, грэбаваннем да чалавечага жыцця, з агульнай пайкай, паханом і шасцёркамі.

Запольскі здолеў паказаць той свет бандыцкага Пецярбурга, які цяпер і ёсць «расейскі свет». Пецярбург – сімвал імперыі, пабудаванай на костках, чый прывід абуджае да жахлівых злачынстваў ужо ў наш час.

Кніга Запольскага – гэта захапляльны сюжэт і галерэя партрэтаў тых, хто вызначыў твар сучаснай Расеі.

Адзін раздзел прысвечаны Яўгену Прыгожыну. Як усё пачыналася, можна даведацца, прачытаўшы «Пуцінбург».

Дзмітрый баяўся за сваё жыццё, ён пакінуў РФ. Але ў жніўні 2021 г. ён раптоўна сканаў у Рызе.