22 лютага 2024, Чацвер, 3:58
Падтрымайце
сайт
Сім сім,
Хартыя 97!
Рубрыкі

У Марыюпалі адбылася сэрыя выбухаў у месцах дыслакацыі расейскіх войскаў

4
У Марыюпалі адбылася сэрыя выбухаў у месцах дыслакацыі расейскіх войскаў

У мясціне выбухаў акрамя войска РФ таксама знаходзіцца кантора "Едіной Россіі".

У Марыюпалі ў чацвер, 2 лютага, каля ГЗЦ "ПортСіці" і 23-га мікрараёна, дзе размяшчаюцца базы расейскіх войскаў, адбылася сэрыя выбухаў.

Адпаведную інфармацыю абвясцілі ў Марыюпальскай мескай радзе.

«Бавоўна» ў Марыюпалі... Менавіта там, дзе акупанты мелі месцы свайго базавання», - сказана ў паведамленні.

Дарадца гарадскога галавы Марыюпаля Пятро Андрушчанка ўдакладняе, што ля згаданага ГЗЦ размяшчаюцца не толькі базы расейцаў ды іхнія сістэмы супрацьпаветранай абароны, але й кантора партыі «Едіная Россія».

"Усё места скаланулася ад сэрыі выбухаў", - напісаў ён у сваім Telegram-канале. Акрамя таго, дарадца мэра расказаў аб выбухах каля завода Ільіча, каля шпіталю №1. Паводле ягоных слоў, з траўня расейцы ўладкоўвалі там кашары і склады.

«У Марыюпалі быў чутны выбух. Стаўбуніцца дым над адным з гандлёвых цэнтраў», - паведамляюць, у сваю чаргу, у сацыяльных сетках.

Напісаць каментар 4

Таксама сачыце за акаўнтамі Charter97.org у сацыяльных сетках