У Польшчы рэзка вырасла колькасць кіроўцаў-дальнабойшчыкаў з Беларусі

У гэтым вялікую ролю адыгралі санкцыі.

У Польшчы імклівымі тэмпамі расце колькасць працаўладкаваных кіроўцаў-дальнабойшчыкаў з Беларусі. Іх плынь прыкметна паскорылася летась. Лічбы паде польскі сайт 40ton.net, спасылаючыся на даклад Галоўнай інспекцыі аўтамабільнага транспарту Польшчы.

Статыстыка фіксуе колькасць выдадзеных пасведчання кіроўцам. Такі дакумент павінны атрымліваць усе замежнікі з краін, якія не ўваходзяць у Еўрапейскі звяз, для працаўладкавання кіроўцам-міжнароднікам у польскіх перавозчыкаў.

У 2022 годзе беларусы атрымалі ў Польшчы 36 649 пасведчанняў кіроўцаў. Гэта значна больш, чым год таму: у 2021-м такіх дакументаў грамадзянам Беларусі выдалі 22 378. А яшчэ годам раней, у 2020-м, іх было 15 307.

Пры гэтым беларускія дальнабойшчыкі ўсё хутчэй даганяюць украінцаў у колькасці. Так, украінскія кіроўцы ў 2022-м атрымалі ў Польшчы 59 108 пасведчанняў, гэта значыць на аднаго новага дальнабойшчыка з Беларусі прыпала 1,6 з Украіны. У 2021 годзе, калі ўкраінцы атрымалі 60 960 сведчанняў, прапорцыя была 1 да 2,7, а годам раней - 1 да 3,2.

Падкрэсліваецца, што да такой змены тэндэнцый на рынку працы кіроўцаў прывяла, відавочна, вайна ва Украіне, якая абмежавала прыток кіроўцаў адтуль. Адначасова вялікую ролю адыгралі санкцыі супраць Беларусі - забарона беларускім перавозчыкам на перамяшчэнне па Еўразвязе. Гэта прымусіла многіх кіроўцаў пакінуць беларускія фірмы і шукаць працу ў перавозчыкаў, зарэгістраваных у Польшчы.

Дарэчы, на польскіх прадпрыемствах з'яўляецца ўсё больш кіроўцаў і з іншых краін па-за ЕЗ. Пасля Украіны і Беларусі ў топе ідуць Малдова і Казахстан, але лічбы там на парадак, а то і два меншыя: з Малдовы прыехала 2 388 новых кіроўцаў, а з Казахстана — 618 (за пару гадоў лічбы выраслі ў разы). Яшчэ 5 952 сведчанні атрымалі кіроўцы з «іншых краін», у іх ліку - нават грамадзяне Інданезіі, Філіпін і Індыі.

Усяго ж у Польшчы ў 2022 годзе працавала 160 664 кіроўцаў з краін па-за Еўразвязам - гэта на 32 тысяч больш, чым годам раней, і на 57,5 тысяч больш, чым у 2020-м.