У Мінску дзяўчаты сарвалі лукашэнкаўскі сцяг з інтэрната Камароўскага рынку

Гісторыя атрымала працяг.

У лістападзе мінулага года дзве дзяўчыны сарвалі сцяг з будынка інтэрната Камароўскага рынку. Праваабаронцам стала вядома аб выніках суда.

Малодшую - 18-гадовую Дар'ю Ганіч - асудзілі на тры месяцы арышту. 19-гадовай Кацярыне Снігіравай прызначылі 1,5 гады «хатняй» хіміі.

Паводле версіі следства, дзяўчаты сарвалі сцяг з інтэрната Камароўскага рынку, а «затым дэманстратыўна махалі ім, ідучы па вул. Беламорскай, пасля чаго кінулі яго на зямлю». Усё гэта яны здымалі на відэа і выкладалі ў групу ў сацыяльнай сетцы. Такімі дзеяннямі дзяўчаты публічна прынізілі лукашэнкаўскі сцяг, палічыла абвінавачанне.