Прыродныя антыбіётыкі: якія прадукты трэба есці, каб не «чапляліся» хваробы

Некаторыя даступныя прадукты валодаюць вельмі карыснымі ўласцівасцямі.

Прадукты харчавання маюць розны ўплыў на чалавечы арганізм. Тады як некаторыя могуць толькі прычыніць шкоду, іншыя прыносяць карысць. Так, экспэрты назвалі прадукты, якія можна заслужана ўважаць за прыродныя антыбіётыкі, якія засцерагаюць ад хвароб.

У першую чаргу спецыялісты выдзяляюць часнок і цыбулю. Яны багатыя на аліцын і фітанцыды, якія даюць супрацьбактэрыяльны і супрацьвірусны эфект. Актыўна спажываць часнок і цыбулю лепш за ўсё ў перыяд, калі павышаецца рызыка распаўсюджвання розных рэспіраторна-вірусных інфекцый. Характэрна, што яны могуць дапамагчы і пры праблемах са стрававальнай сістэмай ці дыхальнымі шляхамі.

За эфектыўны прыродны антыбіётык уважаецца імбір. Экспэрты выявілі ў ім рэчывы, якія здольныя ліквідаваць бактэрыі, якія выклікаюць хваробы страўнікава-кішачнага тракту.

Вельмі карысны хрэн. Спецыялісты адзначаюць, што ён мае супрацьбактэрыяльныя ўласцівасці праз тое, што багаты на лізацым і аліўкавы эфірны алей. Найбольш распаўсюджанае выкарыстанне гэтай расліны - супраць прастуды і інфекцый дыхальных шляхоў.