Як беларусам паскорыць праходжанне мяжы

Працэс афармлення зойме не больш за 15 хвілін.

Ва ўмовах павелічэння пасажырапатоку папярэдняе запаўненне пасажырскай мытнай дэкларацыі дапаможа істотна скараціць час ажыццяўлення мытных аперацый пры пераездзе мяжы, піша «Виртуальный Брест».

Для запаўнення пасажырскай мытнай дэкларацыі зайдзіце на сайт Дзяржаўнага мытнага камітэта Беларусі ў раздзел «Электронная мытня» або «Фізічным асобам» і выдзеліце падраздзел «Запоўніць загадзя пасажырскую мытную дэкларацыю».

Далей:

Калі Вы не зарэгістраваныя ў сістэме, то неабходна прайсці рэгістрацыю.

Далей прайдзіце рэгістрацыю, пазначыўшы адрас электроннай пошты (лагін), пароль і ПІБ.

Калі Вы ўжо зарэгістраваныя, абярыце «Запаўненне формы пасажырскай мытнай дэкларацыі».

Далей запоўніце форму пасажырскай мытнай дэкларацыі.

Увага! Калі Вы едзеце на транспартным сродку, зарэгістраваным у Беларусі або ў іншай дзяржаве-чальцы ЕАЭС (Рэспубліка Арменія, Кыргызская Рэспубліка, Рэспубліка Казахстан, Расейская Федэрацыя), звесткі аб гэтым транспартным сродку можна не ўказваць.

Пры запаўненні інфармацыі аб таварах, уводзіце іх поўнае найменне, марку, мадэль і серыйны нумар (пры наяўнасці).

Пасля запаўнення звестак праверце іх правільнасць і націсніце «Адправіць і атрымаць УІНП».

Сістэма прысвоіць унікальны ідэнтыфікацыйны нумар пададзеным звесткам.

Пры наяўнасці магчымасці раздрукуйце два экзэмпляры дэкларацыі.

У пункце пропуску пры наяўнасці сістэмы падвойнага калідора, выберыце «чырвоны» калідор і пакажыце службовай асобе раздрукаваную дэкларацыю або ўнікальны ідэнтыфікацыйны нумар (пры адсутнасці раздрукаванай дэкларацыі).

Пры адсутнасці разыходжанняў працэс афармлення зойме не больш за 15 хвілін.

Пры наступных перасячэннях мяжы вы можаце паўторна выкарыстоўваць раней унесеныя звесткі для гэтага пасля запаўнення электроннай формы дэкларацыі націсніце «Выгрузіць у файл»:

У наступным пры ўваходзе ў персанальны кабінет абярыце «Загрузіць з файла» і занясіце неабходныя звесткі.