ГУР: У Шайгу канфлікт з ПВК «Вагнера»
6- 7.02.2023, 20:22
- 15,074
Што вядома.
Кіраўнік Мінабароны РФ Сяргей Шайгу ўзмацняе канфлікт з ПВК «Вагнера», паведамляе ўкраінская выведка. Ён наўмысна не згадвае іх удзел у баявых дзеяннях і прыпісвае «поспехі» толькі сабе.
Як адзначае ГУР, паводле інфармацыі расейскіх прапагандысцкіх выданняў, Шайгу на нарадзе заявіў пра нібыта поўны кантроль над Салядарам, Клішчыеўкай, Краснаполлем, Благадатным і Мікалаеўкай Данецкай вобласці, а таксама Падгорным і Лабковым Запарожскай вобласці. Чыноўнік краіны-агрэсара падкрэсліў, што ўсе вышэйзгаданыя «дасягненні» з'яўляюцца вынікам дзеянняў расейскага рэгулярнага войска.
Пры гэтым Шайгу свядома не згадаў аб удзеле «вагнераўцаў» у баявых дзеяннях на ўсіх кірунках, якія ён пералічыў. У той жа час кадравае войска РФ там выконвае эпізадычную ролю «сіл падтрымкі».
«Гэтая інфармацыя замоўчваецца расейскімі прапагандысцкімі СМІ, што сведчыць аб працягу канфлікту ў асяроддзі вайскова-палітычнага кіраўніцтва Расеі», – сказана ў паведамленні ГУР.
З горада Салядар украінскія вайскоўцы адышлі яшчэ 25 студзеня, гэтую інфармацыю пацвердзіла камандаванне УСУ. Акупацыя іншых населеных пунктаў, аб захопе якіх расказваў Шайгу, не пацвярджаецца.