Шэраг расейскіх тавараў забаранілі прадаваць у Беларусі
4- 8.02.2023, 11:38
- 8,972
![Шэраг расейскіх тавараў забаранілі прадаваць у Беларусі](https://i.c97.org/ai/535465/aux-head-1675845355-20230207_harbata_360.jpeg)
Паліцы крам вызвалілі ад няякаснай прадукцыі.
У Гародні чарговы раз выявілі небяспечную прадукцыю на паліцах крам. Цяпер яна забароненая да рэалізацыі па ўсёй Беларусі, піша «Блог Гародня».
Гарадзенскі абласны цэнтр гігіены, эпідэміялогіі і грамадскага здароўя расказаў аб прадукцыі, якая не адпавядае санітарна-эпідэміялагічным патрабаванням.
Так, пытанні ўзніклі да гарбаты чорнай з водарам трапічнай садавіны і расліннымі кампанентамі «Тэс Плэжа» расейскай вытворчасці. У ёй знайшлі цвіль.
![](https://i.c97.org/ai/535465/aux-1675845373-1675500640_5.jpeg)
Цвіль таксама была выяўлена ў разынках з Узбекістана (вытворца ТАА «NASSAR TRADING AGRO»).
Рыбныя кансервы «Пячонка трэскі атлантычнай па-Мурманску» не адпавядаюць патрабаванням паводле органалептычных паказчыках.
![](https://i.c97.org/ai/535465/aux-1675845373-1675500640_4.jpeg)
«Прысутнічае пах акісленага тлушчу і прысмак гаркаты, неўласцівыя дабраякаснаму прадукту», – паведамілі ў цэнтры гігіены, эпідэміялогіі і грамадскага здароўя.
Вафлі са смакам шакаладу, вытворца расейскі ТАА «Сладонеж», не прайшлі праверку ў мікрабіялагічным паказчыку, у іх выяўлены дрожджы.
![](https://i.c97.org/ai/535465/aux-1675845373-1675500640_3.jpeg)
Шэраг прадуктаў патрапіў пад забарону продажу ў Беларусі ў выніках праверкі адмыслоўцамі Дзяржстандарту.
Так, у гандлёвых пунктах краіны неабходна выключыць з продажу салодкі набор з цацкай-сюрпрызам ANIMAL. У ёй змяшчаецца сыравіна, якая не адпавядае патрабаванням Мытнага саюза.
![](https://i.c97.org/ai/535465/aux-1675845373-1675500640_2.jpeg)
Таксама ў спіс забароненай прадукцыі трапіла дражэ з вітамінам С пад маркай «Сонечныя россыпы». У яго складзе знойдзены сінтэтычны фарбавальнік тартразін (Е102) у колькасці 115,7 мг/кг.
![](https://i.c97.org/ai/535465/aux-1675845373-1675500640_1.jpeg)
Пад забарону патрапіла яшчэ адно дражэ «Чарацінка для малака» са смакам клубніц, малінаў, ажын, дыні і шакаладу. Пры вытворчасці гэтай прадукцыі ўжывалася заяўленая ў маркіроўцы харчовая дабаўка - фарбавальнік анато (Е160b). Ён недапушчальная для выкарыстання пры вытворчасці цукрыстых кандытарскіх вырабаў.
![](https://i.c97.org/ai/535465/aux-1675845373-1675500640_1.png)
У ласосі сушана-вяленым з маркіроўкай «Рыбалоў» знайшлі харчовыя дадаткі, якія не пазначаны на ўпакоўцы.
![](https://i.c97.org/ai/535465/aux-1675845373-1675500640.png)
Акрамя таго, нельга прадаваць карамель ледзянцовую «Долька шчасця». У яе складзе - шэраг сінтэтычных фарбавальнікаў, выкарыстанне якіх патрабуе папераджальнага надпісу аб тым, што гэтыя рэчывы ўплываюць на актыўнасць і ўвагу дзяцей.
![](https://i.c97.org/ai/535465/aux-1675845373-1675500640.jpeg)
Гэта прадукцыя будзе канфіскаваная з беларускіх крамаў.