28 сакавiка 2024, Чацвер, 17:51
Падтрымайце
сайт
Сім сім,
Хартыя 97!
Рубрыкі

Рэйкавых партызан з Мазыра прысудзілі да вялізных тэрмінаў зняволення

12
Рэйкавых партызан з Мазыра прысудзілі да вялізных тэрмінаў зняволення

Палітвязняў абвінавацілі ў спробе перашкодзіць руху расейскіх вайсковых цягнікоў.

Гомельскі абласны суд разгледзеў крымінальную справу ў дачыненні да Сяргея Пляшкуна і Юрыя Сельвіча ў закрытым рэжыме. Сельвіч атрымаў пакаранне 14 гадоў калоніі, Пляшкун - 16, паведамляе «Радыё Свабода».

34-гадовага Сяргея Пляшкуна і 45-гадовага Юрыя Сельвіча затрымалі ў сакавіку 2022 года. Беларуская тэлевізія выпусціла тады сюжэт, з якога вынікае, што за жыхарамі Мазыра сачылі супрацоўнікі КДБ. У гаражы аднаго з затрыманых Сяргей і Юры нібыта «абмяркоўвалі магчымасці перашкодзіць руху расейскай вайсковай тэхнікі па чыгунцы». Канчатковае абвінавачанне ім выставілі паводле сямі артыкулаў КК.

Згодна з матэрыяламі справы, у перыяд са жніўня 2020-га да лютага 2022 года Пляшкун і Сельвіч нібыта набылі кампаненты для вырабу «кактэйляў Молатава» і піратэхнічны выраб, якія захоўвалі і перавозілі ў розных транспартных сродках і месцах з мэтай іх выкарыстання.

Таксама іх абвінавацілі ў тым, што ў аднаго з прадпрыемстваў Мазырскага раёна Пляшкун і Сельвіч нанеслі фарбай на агароджу і знак малюнку, і надпісы.

Хто такія Сяргей Пляшкун і Юры Сельвіч

Адзін з затрыманых, 44-гадовы Юры Сельвіч, жанаты, мае траіх дзяцей. Двое дарослых сыноў на момант затрымання Сельвіча былі ў войску, адзін служыў у Мар'інай Горцы пасля заканчэння ўніверсітэта. Таксама ў сям'і выхоўваецца прыёмная дачка, ёй 10 год. Са слоў знаёмых, Юры працаваў «на сябе», займаўся рамонтамі.

«Ён актыўна ўдзельнічаў у пратэстах, якія былі ў Мазыры пасля выбараў. Сельвіча двойчы затрымлівалі паводле 23.34, адзін раз быў арышт, другі раз штраф. Юры дапамагаў фінансава сваякам палітвязняў. Ну казалі яны нешта, але дзеянняў ніякіх не было», - растлумачыў сябра абвінавачанага.

Сяргей Пляшкун мае жонку і дваіх дзяцей. Адзін сын ходзіць у першы клас, другому яшчэ няма года. Жонка Пляшкуна ў дэкрэтным водпуску.

«Сяргей працаваў гандлёвым агентам. Ён добры муж, бацька і сябар. Сапраўдны, такіх вельмі мала. Ён і Юры ахвяравалі сабой дзеля свабоднай Беларусі», - адзначыла знаёмая затрыманага, таксама жыхарка Мазыра.

Напісаць каментар 12

Таксама сачыце за акаўнтамі Charter97.org у сацыяльных сетках