Польшча ўвядзе новыя санкцыі супраць лукашыстаў праз прысуд журналісту Анджэю Пачобуту
6- 9.02.2023, 14:53
- 10,366
Фармуецца новы спіс для ўвядзення абмежаванняў.
Улады Польшчы маюць намер увесці новыя санкцыі супраць беларускіх чыноўнікаў у адказ на прысуд журналісту Анджэю Пачобуту. Пра гэта заявіў міністр унутраных спраў і адміністрацыі Польшчы Марыюш Каміньскі.
«Я даручыў сваім службам падрыхтаваць заяўкі на ўключэнне ў санкцыйны спіс чарговых асоб, звязаных з рэжымам Лукашэнкі, адказных за рэпрэсіі супраць палякаў у Беларусі», - напісаў ён.
Раней сайт паведаміў, што Польшча закрывае пункт пропуску «Баброўнікі» на мяжы з Беларуссю. Кіраўнік МУС Польшчы паведаміў, што пастанова аб закрыцці руху праз «Баброўнікі» прынятая «ў мэтах дзяржаўнай бяспекі».
8 лютага Гарадзенскі абласны суд прысудзіў журналіста, кіраўніка Саюза палякаў Беларусі Анджэя Пачобута да 8 гадоў калоніі ўзмоцненага рэжыму.