Польшча закрывае яшчэ адзін пункт пропуску на мяжы з Беларуссю
20- 9.02.2023, 13:13
- 29,422
На нявызначаны тэрмін.
Польскі пункт пропуску «Баброўнікі» прыпыняе сваю працу з 10 лютага.
Пра гэта паведаміў міністр унутраных спраў і адміністрацыі Польшчы Марыюш Каміньскі.
«Праз важныя інтарэсы дзяржаўнай бяспекі я пастанавіў прыпыніць да далейшага апавяшчэння з 10 лютага гэтага года з 12:00 рух на польска-беларускім памежным пераходзе ў Баброўніках», — сказаў ён.
З беларускага боку на гэтым пераходзе знаходзіцца пункт пропуску «Бераставіца».
У выніку на беларуска-польскай мяжы застанецца толькі адзін пераход у Берасці з пунктамі пропуску «Казловічы» для грузавых аўтамабіляў і «Брэст» для астатніх тыпаў транспарту.
Нагадаем, у адказ на створаны Лукашэнкам міграцыйны крызіс Польшча з восені 2021 года закрыла размешчаны ў Гарадзенскай вобласці пераход «Брузгі-Кузніца».