Санкцыі закранулі 25% эканомікі беларускага рэжыму
10- 9.02.2023, 15:44
- 15,664
Лукашысты пачалі скардзіцца.
Міністр эканомікі Аляксандр Чарвякоў паскардзіўся на санкцыі, уведзеныя супраць рэжыму Лукашэнкі за палітычныя рэпрэсіі і суўдзел у вайне ва Украіне.
«Маштабы ўведзеных супраць нас санкцый вялізныя - 25% эканомікі наўпрост трапілі пад абмежаванні, а ўскосна - закранулі ўсе галіны», - сказаў ён.
«Пачынаючы з 2021 года санкцыі зазналі авіяцыйная, калійная, нафтаперапрацоўчая галіны. Летась уведзеныя абмежаванні для металургіі, машынабудавання, дрэваапрацоўкі, будаўнічых матэрыялаў. Санкцыі для ІТ-сферы не толькі знізілі тэмп росту, але і выклікалі адток ІТ-спецыялістаў з краіны. Створаныя лагістычныя перашкоды, закрыты або абмежаваны доступ на рынкі краін ЕЗ, Украіны. Узнікаюць складанасці ў разліках з партнёрамі», - дадаў ён.
Як пісаў сайт Charter97.org, санкцыі моцна ўдарылі па «Беларуськалію». Аб'ём здабычы калію за мінулы год скараціўся на 60 адсоткаў.