На аэрадроме Мелітопаля ўзарвалі базу расейцаў

Што вядома.

На базе расейскіх захопнікаў, размешчанай на аэрадроме ў Мелітопалі, адбыўся выбух. Пра гэта паведаміў мэр горада Іван Фёдараў у сваім Telegram-канале ў сераду, 1 сакавіка.

Паводле ягоных слоў, а 13.00 там раздаліся выбухі, а праз паўгадзіны ў раёне месца інцыдэнту стаў бачны чорны дым.

Фёдараў таксама нагадаў, што за год поўнамаштабнага ўварвання Расеі ва Украіну выбухі на расейскай базе ў Мелітопалі адбываліся больш за дзесяць разоў.

«Чакаем, калі пачнуць вывозіць ліквідаваных», - напісаў гарадскі кіраўнік.