Пянткоўскі: УСУ рыхтуюць контрнаступ у нечаканым месцы
5- 18.03.2023, 20:39
- 8,994
Параза войска РФ на адным з кірункаў можа быць выгадная Прыгожыну.
Шмат якія ваенныя аналітыкі і аглядальнікі мяркуюць, што чаканы вялікі контрнаступ УСУ мае пачацца на паўднёвай дзялянцы фронту, а магчымымі кірункамі ўдару стануць Мелітопаль або Бярдзянск.
У сваю чаргу, палітолаг і публіцыст Андрэй Пянткоўскі дапускае ўдар украінскага войска ў нечаканым месцы, а менавіта ў Бахмуце Данецкай вобласці. Пра гэта ён расказаў у эфіры канала FREEДОМ.
«Мы ўсё гаворым аб плане вясновага контрнаступу: узяцце Мелітопаля, Бярдзянска, ізаляцыя Крыма. А мне здаецца, не выключаны ўдар ля Бахмута», - заявіў суразмоўца.
Аналітык нагадаў словы куратара ПВК "Вагнер" Яўгенія Прыгожына, які заяўляе, што параза "вагнераўцаў" пад Бахмутам абрыне ўвесь фронт, і расейскае войска адкоціцца да дзяржаўнай мяжы.
Палітолаг дапускае, што Прыгожын можа быць зацікаўлены ў такім сцэнары паразы.
«Тады ён (Прыгожын – рэдакцыя) пакажа на здраднікаў у (расейскім – рэдакцыя) Генеральным штабе», – дадаў эксперт.
На думку Пянткоўскага, пастанова вайскова-палітычнага кіраўніцтва Украіны працягваць абарону Бахмута можа сведчыць аб тым, што ва УСУ рыхтуюць удар менавіта на гэтым кірунку.