Лукашысты заявілі аб затрыманні аўтамабіля са зброяй і баявымі прыпасамі, які ехаў з Польшчы

Яго нібыта вёз беларус.

Пры правяранні аўтамабіля беларуса, які ехаў з Польшчы, мытнікі нібыта знайшлі «мноства мяшкоў з гільзамі і кулямі, якія былі схаваныя ў сховах».

Арсенал зброі нібыта «знайшоўся і ў яго дома», цяпер мужчыну пагражае крымінальная справа, паведамляе Дзяржаўны мытны камітэт.

Інцыдэнт адбыўся днямі ў кантрольным пункце "Берасце" на беларуска-польскай мяжы. Там мытнікі нібыта спынілі для надгляду Citroën C4 пад кіраваннем 50-гадовага беларуса, які ехаў з суседняй краіны.

Калі аўтамабіль прасканавалі, усярэдзіне нібы выявілася 20 поліэтыленавых мяшкоў, у якіх знаходзілася 75 кг гільзаў і куль. Мяшкі ў сваю чаргу былі схаваныя ў спецыяльна абсталяваных сховах, у тым ліку ў запасным коле.

Ператрус правялі і на месцы жыхарства мужчыны - там "знайшлі" цэлы арсенал агнястрэльнай зброі і баявых прыпасаў.

Цяпер разглядаецца пытанне аб распачынанні крымінальнай справы.

Даўней прапагандысты заявілі, што ў Горадні падчас затрымання "зліквідавалі" замежніка, які нібыта кідаў гранаты і страляў з аўтамата ў спецвайскоўцаў КДБ.