У Менску пачаўся суд над кіраўніком пула Лукашэнкі

Зміцер Семчанка ў 2020 годзе звольніўся з ОНТ.

У Менску пачаўся суд над былым работнікам ОНТ і кіраўніком "прэзідэнцкага пула" Дзмітрыем Семчанкам, паведаміла БелТА.

Ён абвінавачваецца паводле артыкулу за распальванне нянавісці (ч.1 арт.130 КК). Так Генеральная пракуратура кваліфікавала ягоныя паведамленні ў тэлеграм-каналах.

Семчанка ў 2020 годзе звольніўся з ОНТ. Пасля гэтага ён працаваў прэсавым сакратаром у кампаніі "Белагра". Летась 15 верасня Дзмітрый Семчанка быў затрыманы. Ён атрымаў два адміністрацыйныя арышты паводле артыкулаў аб дробным хуліганстве і распаўсюджванні «экстрэмісцкіх» матэрыялаў. Пасля арышту ён так і не выйшаў на волю.

Зміцер Семчанка прызнаны палітычным вязнем.