УСУ нанеслі «двайны ўдар» па пазіцыях РФ насупраць Херсона
- 21.03.2023, 17:36
- 5,650
Знішчанае базаванне і мінамётны разлік расейцаў за Антонаўскім мостам.
Акупантаў выбіваюць са зручных пазіцый на ўзбярэжжа Дняпра. На гэты раз аператары дронаў УСУ з дапамогай патрульнай паліцыі Херсоншчыны дасталі расейскіх «дачнікаў» у катэджах каля Антонаўскага моста - у 5 км ад Алешак. Акрамя дома, які служыў захопнікам месцам базавання, была знішчаная і мінамётная пазіцыя ворага, піша «Стопкор».
Joint work of the VOG-17 unit and Ukrainian patrol police. The destruction of the location of Russian troops and mortar position. pic.twitter.com/QEMUtEAHOZ
— Paul Jawin (@PaulJawin) March 21, 2023
Відэакадры працы патрульнай паліцыі Украіны і спецпадраздзяленні па кіраванні БПЛА VOG-17, на якіх бачнае паражэнне аб'екта расейцаў за Антонаўскім мостам насупраць Херсона, выклаў 21 сакавіка ў Твітэры вайсковы аглядальнік Пол Джавін (Paul Jawin).
«Камандная праца падраздзялення VOG-17 і ўкраінскіх патрульных паліцыянтаў. Знішчэнне месцазнаходжання расейскіх войскаў і мінамётнай пазіцыі», - гаворыцца ў паведамленні.
OSINT-аналітыкі міжнароднай валанцёрскай ініцыятывы GeoConfirmed ідэнтыфікавалі дакладную геалакацыю прылёту. Размова ідзе аб адрэзку з каардынатамі 46.663741, 32.730449 у дачным пасёлку на ўсход ад Антонаўскага моста на левым беразе Дняпра.
Дом, які занялі акупанты, размешчаны на беразе вузкага канала, які злучае Дняпро з возерам Аляксееўскі ліман. Да часова акупаваных Алешак адсюль блізу 5 км, а да вызваленых Херсона і Антонаўкі - 3 км наўпрост праз раку.
Акрамя таго, паводле інфармацыі канала «Мікалаеўскі Ванек», у ноч з 20 на 21 сакавіка ў Алешкаўскім лесе на левабярэжжы адбылася яшчэ адна «бавоўна»: знішчаны расейскі танк.
