Суд арыштаваў «схаваныя» актывы жонкі Мядзведчука на каласальную суму

Аксана Марчанка валодала імі праз тры афшорныя кампаніі.

Суд арыштаваў «схаваныя» актывы жонкі былога народнага дэпутата Украіны Віктара Мядзведчука Аксаны Марчанкі больш за 440 мільёнаў грыўняў.

«Паводле матэрыялаў Службы бяспекі суд арыштаваў чарговыя актывы Аксаны Марчанкі, якая падазраецца ў фінансаванні расейскіх акупацыйных груповак. Іх агульная вартасць складае больш за 440 млн грн», - гаворыцца ў паведамленні Службы бяспекі Украіны.

Адзначаецца, што вырак суда тычыцца 6,8% акцый ПАТ «Электраметалургічны завод Днепраспецсталь імя А.Кузьміна» у Запарожжы, якімі Марчанка валодае праз тры афшорныя кампаніі. Паводле звестак СБУ, гэтае прадпрыемства з'яўляецца стратэгічна важным і спецыялізуецца на прамысловай вытворчасці амаль 1 тысячы тыпаў сталі і металічных вырабаў.

"Арышт актываў засцеражэ іх ад перарэгістрацыі на падстаўных асоб і ў далейшым дазволіць перадаць на карысць нашай дзяржавы", - дадалі ва ўстанове.

Справа Марчанкі - што вядома

Украінскія праваахоўнікі паведамілі Марчанцы аб падазрэнні паводле часткі 3 артыкула 110-2 «Фінансаванне дзеянняў, учыненых з мэтай гвалтоўнай змены або скідання канстытуцыйнага ладу або захопу дзяржаўнай улады, змены меж тэрыторыі або дзяржаўнай мяжы Украіны» Крымінальнага кодэкса Украіны.

У канцы лютага 2023 года паводле матэрыялаў СБУ было арыштаваная ейная маёмасць больш чым на 5,6 мільярда грыўняў.