Расейскія войскі пад Аўдзееўкай ахапіла паніка

Акупанты заяўляюць пра наступ УСУ.

Паблізу Аўдзееўкі Данецкай вобласці ідуць бесчалавечныя баі. Аднак вораг пачаў адчуваць паніку праз магчымы наступ УСУ, паколькі акупанты не разумеюць, дзе ён можа пачацца.

Пра гэта ў эфіры тэлемарафону паведаміў спікер аб'яднанага прэс-цэнтра Сіл абароны Таўрычнага кірунку палкоўнік Аляксей Дзмітрашкоўскі, паведамляе РБК-Украіна.

«Адчувальны ўжо брак тэхнікі ў ворага, боепрыпасаў. Адчувальны вельмі нізкі маральна-псіхалагічны стан. Вельмі шмат панікі, вельмі баяцца нашага контрнаступу. Пра гэта сведчаць перахопы тэлефонных размоў», - заявіў Дзмітрашкоўскі.

Паводле ягоных слоў, вораг, каб паказаць сваю прысутнасць і наяўнасць тэхнікі, у многіх месцах на Аўдзееўскім кірунку стварае «псеўдапазіцыі». На іх акупанты размяшчаюць нібыта танкі і іншую тэхніку, каб адцягнуць украінскіх абаронцаў.

Дмітрашкоўскі адзначае, што на Аўдзееўскім кірунку працягваюцца баі. За мінулую ноч было 7 атак, якія нашы вайскоўцы адбілі. Ён таксама зняпраўдзіў фэйк расейцаў аб нібыта захопе населенага пункта Новабахмутаўка.