Менскіх школьнікаў будуць карміць пяльменямі і хот-догамі

А также куриными крылышками.

А таксама курынымі крылцамі.

У Менску, на досведзе дзвюх школаў і гімназіі, удасканальваюць сістэму гарачага харчавання ў вучнёўскіх сталоўках, паведамляе "Менск-Навіны".

У чацвёртай чвэрці ва ўсіх школах Менска плануецца прапаноўваць дзецям пяльмені, курыныя крылцы і галёнкі, рассыпістыя кашы і хот-догі.

Дырэктар Камбіната школьнага харчавання Надзея Лукашэвіч кажа, што "ўсе гэтыя новыя стравы вельмі спадабаліся дзецям".

– Аднак упор робім не толькі на ўключэнне новых страваў, але і на магчымасць выбару, каб штодня вучань мог аддаць перавагу аднаму з некалькіх варыянтаў комплексаў, – сказала Лукашэвіч.

А ў будучыні мяркуецца прапаноўваць на выбар тры абедзенныя комплексы.

Паведамляецца, што апраўдалася ўключэнне ў меню прыпушчанай гародніны. На падвячорак давалі зерневы тварог з рознымі напаўняльнікамі. Школьнікам спадабалася фасоля ў таматным соусе. Ну, і само сабой, сярод улюбёных страваў – макароны.