Футбаліста Лукашэвіча затрымалі проста на трэніроўцы

Таксама затрыманая яго нявеста.

26-гадовы паўабаронца футбольнага клуба «Макслайн» Цімафей Лукашэвіч быў затрыманы сілавікамі проста на трэніроўцы.

Гэта адбылося 23 сакавіка на стадыёне ФК «Мінск». Калі сілавікі прыйшлі па Лукашэвіча, партнёры па камандзе падумалі, што гэта розыгрыш яго нявесты Кацярыны, але пазней высветлілася, што гэта не жарт, паведамляе тэлеграм-канал «О, спорт! Ты - свет!».

Лукашэвіч і ягоная нявеста атрымалі па 10 дзён адміністрацыйнага арышту. Паводле якога артыкула іх судзілі, невядома.