Расейцы страцілі пяць бронеаўтамабіляў «Ахмат» на Крымскім мосце
13- 27.03.2023, 21:37
- 39,262
![Расейцы страцілі пяць бронеаўтамабіляў «Ахмат» на Крымскім мосце](https://i.c97.org/ai/541732/aux-head-1679942222-20230327_efenziwa_360.jpg)
Падрабязнасці.
Расейскія захопнікі страцілі пяць бронеаўтамабіляў З-СТС «Ахмат» на Крымскім мосце ў нядзелю, 26 сакавіка.
Пра гэта паведамляе ГУР МА Украіны.
«Пяць бронеаўтамабіляў расейскіх тэрарыстаў С-СТС «Ахмат» не даехалі да зоны баявых дзеянняў. 26 сакавіка калона з пяці машын З-СТС 34-й асобнай мотастралковай брыгады ехала па Крымскім мосце ў напрамку акупаванага Крыма», - гаворыцца ў паведамленні.
У ГУР паведамілі, што паводле афіцыйных звестак, пераадолець свой шлях да канца ім перашкодзіла «перавышэнне хуткасці і незахаванне бяспечнай адлегласці пры руху ў складзе калоны».
«Як вынік - чатыры з пяці машын маюць патрэбу ў значным рамонце. «Ахматы» ехалі ў Херсонскую вобласць і павінны былі даўкамплектаваць падраздзяленні акупантаў, якія дзейнічаюць на Прыдняпроўскім кірунку», - дадалі ў разведцы.
![](https://i.c97.org/ai/541732/aux-1679942228-337869954_965408338143727_8019588691375070861_n.jpg)
З-СТС «Ахмат»
Гэты бронеаўтамабіль быў створаны спецыяльна на замову адной з сілавых структур Чачні пасля пачатку баявых дзеянняў ва Украіне.
9 траўня бронемашыны паказалі на парадзе ў Грозным, а затым адправілі на вайну ва Украіну. У чэрвені Рамзан Кадыраў паведаміў аб закупцы партый З-СТС «Ахмат», гаворка ішла пра 20 машын.
Бранявік стварылі як танную версію «Тайфуна». Таму «Ахмат» мае такі ж узровень абароны, але значна таннейшы і прасцейшы ў эксплуатацыі.
![](https://i.c97.org/ai/541732/aux-1679942752-338203278_922686135526299_2246631108267208117_n.jpg)