Выдаткі беларусаў на ахову здароўя растуць

Пры гэтым медыкаў у краіне становіцца ўсё менш.

Летась, паводле афіцыйных звестак, у сфэры аховы здароўя стала крыху менш занятых на 200 чалавек. Тэндэнцыя адтоку кадраў з галіны доўжыцца ўжо які год, піша тэлеграм-канал «Нашы грошы».

Пры гэтым статыстыка паказвае, што нягледзячы на тое, што пандэмія пакрысе сыходзіць з першых палос, выдаткі беларусаў на ахову здароўя захоўваюцца на высокім узроўні.

У 4 квартале 2022 года гэта было 6,5% спажывецкіх выдаткаў насельніцтва. У дапандэмійны час паказчык быў блізу 4%. Цяпер жа ўстойліва вышэй за 6%, а пік быў дасягнуты на пачатку 2022 года - 7,2%. Выходзіць, што рост заробкаў у канцы мінулага года шмат у чым сыходзіць на таблеткі?